Question 1

咩係貓草?

Accepted Answer

貓草並唔係一種特定嘅植物，而係指貓貓中意食嘅草草。各種麥草(例如大麥草、小麥草)、芽菜等等都可以叫做貓草。野外嘅貓貓可以搵到唔同嘅草去咬，但係家貓好多時候都未必可以接觸同食到草草。

Question 2

食貓草有咩好處?

Accepted Answer

1️. 有助排泄毛球🧶
貓貓嘅毛球唔係天生就有，而是後天清理身體積累而成，長期排泄唔出會嚴重影響貓貓身體，令到佢哋食欲不振、冇哂精神。貓草含有豐富纖維，有催吐排泄既作用，而且比一般排毛產品更加天然。
2️. 健康腸胃🥬
貓草含高纖維，可以刺激貓貓既腸胃蠕動，幫助消化及調理腸胃健康，舒緩輕微既腸胃不適及消化不良，就好似人類要食菜咁。
3️. 清潔口腔🦷
改善口腔環境，控制及預防口腔疾病，補充維生素和微量元素以及葉酸，抑制各種原因引起的嗜酸性肉芽腫、口腔潰瘍、牙齦炎、舌炎等。
4️. 補充營養💪🏻
貓草含有植物維他命C、葉綠素、葉酸同微量元素，呢幾種營養對貓貓身體成長起到非常大既作用，貓貓身體缺乏呢啲物質既時候會主動去啃食植物。
5. 減少壓力😺
貓貓天生對綠色植物有好感，對佢哋嚟講有綠色植物既地方非常溫馨，所以貓草都可以幫助舒緩貓貓情緒。

Question 3

貓食完貓草會唔會high?

Accepted Answer

貓草唔同貓薄荷或者木天蓼，貓貓食完唔會high high架~

Question 4

種貓草會唔會發霉?

Accepted Answer

如果見到草面有一點點綠色，咁就係發霉。
發霉情況一般出現喺死種上，原因通常係種子質素太差，或者淋水過多。
豆沙妹貓草採用澳洲出產優質小麥，發芽率高，一般唔會出現發霉情況。
如果有發霉情況出現，可以聯絡豆沙妹為你解答。

Question 5

應該淋幾多水?

Accepted Answer

淋水量取決於濕度同溫度，最緊要保持泥土少少濕潤就OK架喇~
豆沙妹貓草好少會發霉，如果見到有發霉，就係淋得太多水喇。
如果草變黃或者偏瘦，就係淋得太少水喇。

Question 6

點解盤草個底有啲白色毛毛?

Accepted Answer

https://static.wixstatic.com/media/undefined
種子發芽嗰陣，根部會長出好多細微既白色根毛，會出現根毛證明你種得啱喇~

Question 7

種完出黎有啲白色毛毛係泥面正唔正常?

Accepted Answer

https://static.wixstatic.com/media/undefined
呢個情況通常原因係積水同過濕，如果你鋪面嘅泥太厚，或者你淋水太多，都有可能發生，
解決方法:
1. 種植前記得先翻鬆泥土，如果已經種緊，可以用牙籤或煮小鏟撩返鬆啲泥
2. 切勿過量淋水，尤其係香港春夏天氣極濕，濕度高時甚至可以隔日淋水
3. 曬太陽，曬太陽，曬太陽對貓同草都好好~

Question 8

一盤貓草可唔可以重複再種?

Accepted Answer

種植其間可以俾貓貓一路食，同時你每日淋水一路種，其間啲草會再次生長。
一盤貓草可以養大約4-6個星期，草量開始減少，貓貓開始無興趣嘅時候就可以再種一盆新草喇

Question 9

貓貓應該食幾多貓草?

Accepted Answer

豆沙妹建議將貓草成盤俾貓貓咬，貓貓會識得自己控制分量。
首次食用，建議可以只俾3-5條佢試一試。
如果貓貓食完草有劇烈反應，例如異常嘔吐或者屙爛屎，可能表示佢腸胃有毛球或其他問題，如果情況持續就記得搵獸醫喇~

Question 10

幾多歲可以食貓草?

Accepted Answer

大約3-4個月，出齊毛，已經戒左奶嘅貓貓已經可以食貓草，建議奴才適度控制幼貓進食份量。

常見問題

所有文字均為豆沙妹所寫

豆沙妹

常見問題

​*所有文字均為豆沙妹所寫*

豆沙妹

所有文字均為豆沙妹所寫