top of page

豆沙妹的故事

我叫做豆沙妹，喺好細個嗰陣，有位好好心既貓義工喺垃圾房發現咗我，當時我瘦到條柴咁，全身都係皮膚病。當時我真係好驚驚。

豆沙妹
%E8%B1%86%E6%B2%99%E5%A6%B9_edited.png

我係豆沙妹，我而家係一隻半歲大既小朋友。

除咗罐罐，兩位奴才仲知道我鍾意食草，會親手種草俾我食。

我好嘴刁架，唔係靚貓草我都唔食，所以我而家就食到健健康康，兩個奴才都有啲功勞嘅。

佢哋試咗好多方法，我又試過唔同味，終於種到而家呢隻靚貓草。

​而家就等本貓黎同大家分享下啦！

豆沙妹貓草

無耐之後就將我交咗俾兩個奴才照顧。但係無耐，我啲便便竟然有蟲！！！去左睇醫生，除左杜蟲之外，原來我仲生左好多癬，後尾仲傳染埋俾佢地。我每日都要食好苦既藥，仲要洗耳仔、洗傷口。真係好辛苦呀！

但係佢哋都真係服侍得我幾好，我除左餐餐食得飽，仲有大床訓。無耐之後已經完全好返曬，而家跑跑跳跳無難度！得閒仲識得點樣搞破壞，咬穿啲糧、倒瀉水、爪爛窗簾、整爛啲拖鞋呢啲對我嚟講完全無難度！

豆沙妹貓草同自己
IMG_6498.JPG

而講到我而家最中意食既， 唔係肉泥，唔係罐罐，一定係貓草！因為，曾經有一棵真摯嘅貓草擺喺我眼前，我冇珍惜，到冇咗嘅時候先至後悔莫及，塵世間最痛苦，莫過於此。如果個天可以俾個機會我返轉頭嘅話，我希望可以同棵貓草講三個字：我咬你，如果係都要為食貓草設上一個限額，我希望係，一萬條～

豆沙妹寫真

bottom of page